✿თაკნატუნას ბლოგი✿: თიანეთი

ყოველთვის მინდოდა ერთხელ მაინც შემეჭყიტა თიანეთობის ფესტივალზე, რომელიც 13 აგვისტოს იმართება თიანეთში.წელს ნინომ შემომთავაზა რომ წავსულიყავით ისიც ჩემსავით წუწუნებდა, ამდენი ხანია აქ ჩამოვდივარო და ფესტივალზე ერთხელაც კი არ ვყოფილვარო, საერთოდაც ფესტივალს ვინ ჩივის შიგ თიანეთში თვალითაც კი არ შეგვიჭყიტავს. თუმცაღა წელს, ზაფხულის სანტა გამოჩნდა და ყველა ჩვენი სურვილი აასრულა.

13ში ბრწყინვალე დღე გათენდა, მზიანი, ოდნავ სიგრილით, არც სიცხე გვაწუხებდა ზედმეტად. მე ნინო და ლევანი 11საათზე გავეშურეთ თიანეთში, გზად ბურგერებისთვის საჭირო ატრიბუტები ვიყიდეთ, ერთჯერადი წახემსებისთვის.
რადგან ლევანს ჩვენზე მეტად აქვს თიანეთთან შეხება, დავაკისრეთ გიდის ფუნქცია. მას უნდა აეხსნა და ენახებინა ყველა საინტერესო ადგილი ჩვენთვის.
პირველი გაჩერება ჟინვალის წყალსაცავზე იყო.საოცრად ლამაზი ფერი ჰქონდა წყალს, მომინდა რომ გადავმხტარიყავი, ნინომ და ლევანიმ დამცინეს, რომ ვთქვი წყალი ზუსტად ჩემი ჩანთის ფერია თქო :)))

ჟინვალის წყალსაცავი

რამდენიმე წუთიანი შესვენების შემდგომ დავიძარით კვლავ თიანეთის მიმართულებით, სადაც საშინელი გზა იყო.ბოლოს, როგორც იქნა ჩავაღწიეთ თიანეთშიც.

კუჟბაღში მრავლად მოეყარა ხალხს თავი.

თიანეთის ეკლესია

აი, დასრულდა ჩემი და თაკის ერთ კვირიანი დასვენება მაგრანეთში. გუშინ სახლებში დავბრუნდით, თუმცა თამამად შეიძლება ითქვას, რომ ყველაზე კარგი 1 კვირიანი დასვენება გვქონდა.დავისვენეთ როგორც სულიერად, ისე ფიზიკურად.

23ში დავიძარით მაგრანეთისკენ. ჩვენთან ერთად კიდევ 2 სტუმარი იყო და ნინოც, რომელსაც ოპერაცია 1 კვირის გაკეთებული ჰქონდა და ეს წამოსვლა ნაკერის გახსნის ფასად დაუჯდა, სამაგიეროდ დავაგემოვნეთ ”უბრმანაწლავო” მწვადი. 23 ივლისს ჩვენთან დღესასწაულია ჭიჭახობა, ამიტომაც იქ მცირეოდენი სამზადისი დაგვხვდა, ბებო მხლის და კარტოფილის ხაჭაპურებს აცხობდა. დავანთეთ უცბად ცეცხლი, და ნინომ დაიწყო მწვადის შეწვა,

ჩვენმა სტუმრებმა კი მხლის კეცეულები დააგემოვნეს და ძალიან მოეწონათ, კიდევ კიტრიც, რომელსაც საოცარი სუნი ჰქონდა. ჩვენი ერთ-ერთი სტუმარი ბლოგერის და + ფორუმელიც აღმოჩნდა. მიუხედავად იმისა,რომ ცოტათი გაწვიმდა, ამან ვერ შეგვაშინა და კვლავ ეზოში განვაგრძეთ ქეიფი.დღის 4-5 საათისკენ კი ისინი გავაცილეთ და დაიწყო ჩემი და თაკოს 1კვირიანი დასვენება.
იმ დღეს თაკომ სულ რამდენიმე ჭიქა შავი ღვინო დალია, თუმცა ეს საკმარისი აღმოჩნდა,ისე დამთვრალიყო, რომ მეორე დილით პახმელიაზე ყოფილიყო :D დავცინოდი მალალიტრაშკა ხარ მეთქი.
მე და თაკომ დავინაწილეთ ჩვენი ფუნქციები, მე სახლის დალაგება მევალებოდა, მას კი საჭმელების კეთება. შუადღისით კი ორივეს დაგვევალა ძილი :D მაგრამ იქ ისეთი ხმაური იყო,რომ ერთი საათის მეტი ძილი არ გვღირსებია.
მეორე დღეს, ბავშვებითურთ არტიზანზე წავედით თრანში.

ბავშვებს გაუსწორდათ ძალიან, გზად ობობებს ვათვალიერებდი.

მახსოვს ბავშობაში, ამ ობობების ფერმა გვქონდა და კიდევ ვანიჩკებისაც.( ეს მატლია რომელსაც მწვანე სისხლი აქვს)
იმ საღამოთი მე და თაკომ ექსპრონტად გადავწყვიტეთ დაგველია არაყი. ჩამოვასხით ჭაჭის არაყი, მოვიტანეთ პური, ყველი, კიტრი, ძეხვი ნუ ლოთებს რომ აქვთ ეგეთი სუფრა გვქონდა.

1 ლიტრზე მეტი არაყი დავლიეთ, 2მა :D მაგრამ არცერთი არ დავთვერით.სულ არა, :D

თაკომ ნახშირით თავი დაიბერა და იხილა თავისი თავი სიბერეში.

ხშირად ვაწყობდით სურათ- party-ს.

ჩართული ვიყავი ასევე აქტიურად, სოფლის მეურნეობაში, კერძოდ მოცელვა ვისწავლე.

თოხნითაც კარგად ვთოხნიდი. გამოვდგები რა კოლმეურნეობის წევრად :D

ხუმრობ, ხუმრობაში მე და თაკოს შემოგვეთოხნა მთელი ეზო :D ეს დღე ცოტა ცუდი იყო, ღამით ჯერ დათუნას ჰქონდა მაღალი სიცხე, წამლებიც არ გქვონდა, თაკომ არყით დაუზილა ხელ- ფეხი, ამ სუნმა კი ორივე დაგვათრო :D მეორე ფრონტზე კიდევ ბებიაჩემი იყო ცუდად, ვფიქრობდით მგონი სიკვდილის დრო მოუვიდაო, მაგრამ იმასაც ვდარდობდით ოღონდ ჩვენი ყოფნის პერიოდში არ მოკვდესო :D (mzrunveli Svilishvilebi :D) თაკო სპეციალისტი აღმოჩნდა ნემსების გაკეთებაში. პირველი სამი დღე გაუზავებელ წამლებს უკეთებდა :D ბებიაჩემმა 6 თვეა ნემსებს მიკეთებენ და ჯერ ასე არ მტკენიაო, 3 დღის შემდეგ მან აღმოაჩინა ,რომ უნდა გაეზავებინა და ისე გაეკეთებინა, მეშვიდე-მერვე კეთებაზე უკვე კარგად დასპეცებული იყო ნემსების კეთებაში, :D ბებიაჩემიც აღარ უჩიოდა ტკივილს :D
თაკოს ჰყავდა ოჩოპინტრე გადაკიდებული, ამიტომ გადავწყვიტეთ მის ნაკვალევს გავყოლოდით და ამ კვალმა ტყეში მიგვიყვანა. ადგილი საიდანაც ტყე იწყებოდა 3-4 კილომეტრის მოშორებით იყო გადატანილი, სულ გაჩეხილი და გაპარტახებული დამხვდა ჩემი სოფლის ტყე. ალბათ რამდენიმე წელიწადში მთიანი რეგიონი აღარ ერქმევა თიანეთს. გავბრაზდი ძალიან გარემოს დაცვის სამინისტროზე, რატომ არ მიიღებენ შესაბამის ზომებს? უხეშად რომ ვთქვა ”კიდიათ” სასტიკად გაიჩეხება თუ არა ტყე. მართლა სასწრაფოდ შესაბამისი ზომები არის მისაღები.

ვიპოვეთ ოჩოპინტრეს სახლი, გამოქვაბულს ჰგავდამისი სახლი, მაგრამ ბოლომდე მისვლა ვერ გავბედეთ.

გზად შეგვხვდა ეკლესია, აშკარად ეტყობა, რომ საკმაოდ ძველია. გუმბათი მონგრეული აქვს.

თამუნას ძალიან უნდოდა ანტრიები, ამიტომაც გადავწყვიტეთ გაგვეკეთა, ყველამ თავისი წვლილი შეიტანა ანტრიის გაკეთებაში.

ვინც არ იცის ანტრია რა არის გეტყვით. მზადდება იმავე პრინციპით როგორც ხინკლის ცომი, შემდეგ ვაბრტყელებთ, გადავახვევთ და მოვხარშავთ მარილიან წყალში, ნიორთან ერბოსთან და ნიგოზთან ერთად უმაგრესია. დავაგემოვნეთ თონეში შემწვარი ქათმის ხორცი, რომელსაც უძალიან მაგრესი გემო ჰქონდა. ორმაგად გემრიელია თან როცა შენ წვავ.